Публикации » Пултаруллă педагог

03 ноября 2010 г.

Вĕрентекенĕн ачасене пĕлÿ панисĕр пуçне хăйĕн те шав вĕренмелле, тĕрлĕ конкурссене хутшăнса тавра курăма ÿстермелле. Çапла тума тăрăшать те Хĕрлĕ Чутай шкулĕнче хими предмечĕпе ăс паракан Н.Мидакова. Вăл çулсерен Раççей, республика шайĕнче иртекен тĕрлĕ ăмăртусене хутшăнать. Кăçалхи август-октябрь уйăхĕсенче вăл "Ырă ĕç тăвакан" учительсен блокĕн республикăри конкурсĕнче палăрнă (виççĕмĕш вырăна тивĕçнĕ). Çавăн пекех Пĕтĕм Раççейри конкурссене хутшăннă. Акă "Вĕрентÿ учрежденийĕн нормативлă докуменчĕсем" журнал валли логотип хатĕрлессипе Н.Мидакова çĕнтерÿçĕ пулнă. Вăл шкула, шкул администрацине тата вĕрентÿ ĕç-хĕлне пĕрлештерекен логотип хатĕрленĕ. "Уçă класс" порталта иртекен "Дистанциллĕ вĕрентекен çулталăкĕ-2010" конкурсра хими учителĕ 10 лауреат йышне кĕнĕ.

Источник: "Пирěн пурнăç"