13 июля 2010 г.
Сисмерĕмĕр те, лагерьти 21 кун выляса-кулса, юрласа-ташласа иртсе те кайрĕ. Виçĕ лагерь ĕçлерĕ Тăрмăшри вăтам шкул çумĕнче: кĕçĕн классенче вĕренекенсен “Хĕвел”, вăтам классен – “Непоседы”, профильлĕ лагерĕн вара “Юные спортсмены” ятлă пулчĕç. Пурĕ 61 ача канчĕ, вăй-хал пухрĕ. Пирĕнпе пĕрле яланах ăшă кăмăллă та сăпай воспитательсем пулчĕç: З.А.Андреева, Л.Н.Чернова, З.Н.Григорьева, Н.В.Разина, А.Н.Сергеева, В.И.Афанасьев. Вĕсем пире тĕрлĕрен вăйăсем выляттарчĕç, конкурссемпе викторинăсем ирттерчĕç, спорт ăмăртăвĕсем йĕркелерĕç. Апат-çимĕçпе туллин тивĕçтерессишĕн нумай тăрăшрĕç Е.Н.Матросова, Е.М.Николаева, Н.В.Москвина лагерь ертÿçисем. Л.В.Иванова, Н.А.Андреева поварсем тутлă апат-çимĕç пĕçерсе çитерчĕç. Шкул директорĕ М.М.Андреев яланах пулăшса пычĕ.
Источник: "Ял ĕçченĕ"