Публикации » Çĕршыв унăн хастарлăхне тивĕçлипе хакланă

08 мая 2010 г.

Вăрçă ветеранĕсен йышĕ, шел те, сайраланса пырать. Кÿпеш ялĕнче те пĕртен-пĕр ветеран çеç юлнă. Вăл – Григорий Кириллович Огоньков. Григорий Кириллович 1943 çулхи июнь уйăхĕнче Тăван çĕршыва хÿтĕлеме тухса кайнă. Чăн малтанах артиллери полкĕнче тупă наводчикĕ пулса тăшман çине вутлă çумăр тăкнă. 1944 çулта ăна минометсен полкне разведчика куçараççĕ. Вăрçă пĕтсен те вăл тăван тăрăхне час таврăнайман. 1950 çулчченех разведчиксен уйрăмĕн командирĕн тивĕçне пурнăçланă. Çĕршыв унăн хастарлăхне кура ăна Отечественнăй вăрçăн I степеньлĕ орденĕпе, "Хăюлăхшăн" медальпе тата ытти юбилей медалĕсемпе наградăланă.

Источник: "Пирěн пурнăç"