Публикации » Çĕнтерĕве вĕсем те туптанă

18 марта 2010 г.

Ветерансене «Тăван çĕршывăн 1941-1945 çулсенчи Аслă вăрçинче çĕнтернĕпе – 65 çул» юбилей медалĕпе наградăласси Етĕрне  районĕнче те пырать. Савăнăçлă чыслав Пушкăрт ял тăрăхĕнче те йĕркеленĕ. Медальсене Етĕрне тата Херлĕ Чутай районĕсен Çар комиссарĕ А.Прокопьев панă.

   89 çулхи вăрçă ветеранĕ П.В.Горбунов вăрçăра пуç хунисене асăнса лартнă палăка юсама хăйĕн пенсийĕн пĕр пайне панă. Вăрçă пуçланнă çул 16 çулти А.Н.Комиссарова тата 4 шăллĕ пахакансăр юлнă: ашшĕне Хĕрлĕ Çара илнĕ. Анфиса колхоз ĕçне хутшăннă, шăллĕсене пăхнă.Çĕнтерĕве тыл ĕçченĕсем те пысăк тÿпе хывнине чыславра ытти ветеран та аса илнĕ.

Источник: "Хыпар"