11 октября 2008 г.
2008 çулта Тукай Мишер вăтам шкулĕ «Вĕрентÿ» наци проекчĕпе килĕшÿллĕн конкурса хутшăнса 1 миллион тенкĕ укçа илме тивĕçнĕ. Çак суммăна шкул лаборатори оборудованийĕ, спорт инвентарĕ, методика кăтартăвĕсемпе хатĕрĕсем туянма, пурлăхпа техника тата вĕрентÿ никĕсне çирĕплетме тăкакланă. Наци проекчĕ пулăшнипе хальхи пурнăç ыйтăвĕсене тивĕçтерекен шкул патне тунă пирвайхи утăм ку. Паян шкул лингафон кабинечĕпе, çĕнĕ 22 компьютерпа, интерактивлă 3 доскапа, мультимедийлă 4 проекторпа, фортепьянопа, çĕнĕ шкафсемпе пуянланнă. Вĕренекенсене спорт енчен аталанма та майсем пур халь — турниксем, матсем, мечĕксемпе ытти инвентарь туяннă. Ачасен вĕренсе ăслă çын пулма, хăйсен ÿт-пĕвне çирĕплетме ÿркенмелле мар çеç.
Источник: "Каçал Ен"