30 августа 2008 г.
Августăн 26-мĕшĕнче Хăмаркка ялĕнчи Мелания Порфирьева хуçалăхĕнче тăр-кăнтăрлах пушар тухнă.
Çакăн пирки Хĕрлĕ Чутайри пушар хурал чаçне 10 сехет те 30 минутра хыпар çитрĕ. Вут-çулăма икĕ автоцистернăпа 12 сехет те 30 минут тĕлне сÿнтерсе пĕтертĕмĕр. Пушара сарăлса кайма памарăмăр, пурăнмалли пĕр çурта тата икĕ сарая сыхласа хăварма май килчĕ.
Çапах та 4 х 14 метр пысăкăш сарай тата унти утă çунса кĕлленчĕ. Сиенĕ 25 пин тенкĕпе танлашать. “Хĕрлĕ автан” алхаснин сăлтавĕ – кил хуçи Михаил Порфирьев электропроводкăна асăрхаса тăманнинче. Кĕске замыкани пулнипе тухнă та пушар.
Вут-çулăм хăй хыççăн нимĕн те хăвармасть. Пушар хăрушлăхĕ пулсанах “01” е 2-11-01 телефонпа шăнкăравламалла. Кунпа пĕрлех “Билайн”, “МТС”, “Смартс” операторĕсем урлă “010”, “112”, “Мегафонпа” “010101”, “112” номерсемпе тухмалла
Источник: "Пирěн пурнăç"