09 августа 2008 г.
Районта шкулсем çĕнĕ вĕренÿ çулне мĕнле хатĕрленсе кĕтсе илнине тĕрĕслекен ведомствăсем хушшинчи комисси ĕçлет.
Комисси членĕсем августăн 5-мĕшĕнче Çĕн Атикассинчи, Мăн Этменти вăтам, Тури Çĕрпÿкассинчи тата Хусанушкăнчи тĕп шкулсенче, Хăмарккари пуçламăш шкул-ача садĕнче пулнă. Тĕпрен илсен, асăннă вĕрентÿ учрежденийĕсем сентябрĕн 1-мĕшĕнче хăйсен алăкĕсене яриех уçма хатĕр. Çурт-йĕре, вĕренÿ кабинечĕсене, спорт залĕсене, столовăйсене, мастерскойсене тĕпрен юсанă, вак-тĕвек ĕçсене пурнăçланă.
Шкулсенче çитменлĕхсем пулсан, вĕсене эрне хушшинче пĕтерме хушса хăварнă. Çуллахи вăхăтра вĕренÿ заведенийĕсене çĕнĕ вĕренÿ çулне хатĕрлес тĕлĕшпе тăрăшса ĕçлемелле – çапла пулнă комисси пĕтĕмлетĕвĕ.
Источник: "Пирěн пурнăç"