Районти прокуратура ĕçченĕсем Елчĕкри тĕп больницăра ĕçлев саккунĕсене мĕнле пурнăçланине тĕрĕсленĕ.

Тĕрĕслев вăхăтĕнче тупса палăртнă тăрăх, 2013-2014 çулсенче служба командировкинче пулнă 84 çынна 172893 тенкĕ парса çитереймен.

Йĕркене пăснăшăн районти прокуратура районти тĕп больницăн тĕп врачĕ ячĕпе представлени тăратнă, должноçри 1 çынна явап тыттарнă. Командировка тăкакĕсен пĕр пайне саплаштарнă, ыттине çывăх вăхăтра парса татаççĕ.

А.КУРМАШЕВ, 
район прокурорĕн пулăшаканĕ.