Тунти кунран тытăнса аслă вĕренỹ заведенийĕсем хăйсен сайчĕсенче вĕренме кĕме тивĕççисен списокĕсене пичетлеме пуçланă. Списока пĕрлехи патшалăх экзаменĕн кăтартăвĕсем тăрăх йĕркелеççĕ. Унта чи малтанах шкул олимпиадисен çĕнтерỹçисене, кайран _ çăмăллăхлă категориллисемпе тĕллевлĕ вĕренме кĕрекенсене асăнĕç. Çак категорие кĕрекенсен паянхи кун тĕлне тĕрлĕ документсен оригиналĕсене пырса памалла пулнă, июлĕн 31-мĕшĕнче вĕсем вĕренме кĕни пирки хушу кăларĕç. Сăмах май каласан, кăçал Чăваш Енри аслă шкулсене пурĕ виçĕ пин ытла абитуриент валли хысна вырăнĕ пăхса хăварнă. Г.НИКИТИНА.