Февралĕн 26-мĕшĕнче Минстрой чи хăтлă ял тăрăхĕсен конкурсĕн çĕнтерỹçисене палăртнă. Ăна пĕлтĕрхи кăтартусене шута илсе ирттернĕ. Унта 20 тăрăх хутшăннă.

Кăçал çĕнтерỹçĕсене хавхалантарма республика хыснинчен 1 миллион тенкĕ уйăрнă. Ял тăрăхĕсем унпа тĕллевлĕн усă курĕç, хăйсем пурăнакан вырăна татах хăтлăлатĕç.

Кăçал конкурсра 5 пин тата ытларах çын пурăнакан тăрăхсенчен Кỹкеç ял тăрăхĕ малти вырăна йышăннă. Иккĕмĕшпе виççĕмĕш вырăнсене Пăрачкав тата Комсомольски ял тăрăхĕсем пайланă.

3 пинтен пуçласа 5 пин çын таран пурăнакан хутлăхсенчен мала Элĕк ял тăрăхĕ тухнă, иккĕмĕшне - Шупашкар районĕнчи Кăшавăш ял тăрăхĕ, виççĕмĕшне - Комсомольски районĕнчи Тукай ял тăрăхĕ.

3 пин таран çын пурăнакан вырăнсенчен Шупашкар районĕнчи Çĕньял ял тăрăхĕ, Етĕрне районĕнчи Мăн Явăш ял тăрăхĕ, Комсомольски районĕнчи Хирти Сĕнтĕр ял тăрăхĕ малти вырăнсене йышăннă.