Терроризм - обществăн хăрушă тăшманĕ. Апла пулсассăн пирĕн яланах тимлĕ пулмалла. Çуллахи вăхăтра ялсене ытти регионран е ют çĕр-шывран тăванĕсем патне канма килекенсем сахал мар. Вĕсем вырăнта регистрациленмесĕрех пурăнма пултараççĕ. Кăнтăр енчи республикăсенче пурăнакансем пысăк сумкăсемпе ялсем тăрăх çỹрени те халăха сисчĕвлентермелле. Килнĕ çынсем мĕнле шухăшлă пулнине никам та пĕлмест. Çавăнпа та çывăхра иккĕленчĕклĕ е ют çынсем пуррине асăрхасан çакăн пирки шалти ĕçсен пайне е миграци службине пĕлтермелле. Автовокзал, культура çурчĕ çывăхĕнче, обществăлла ытти вырăнта ют сумка е рюкзак выртнине, иккĕлентерекен автомашина тăнине курсан кун пирки тивĕçлĕ органсене пĕлтерме васкăр. Вĕсене тĕкĕнме е вырăнтан-вырăна куçарма юраманнине те асрах тытăр.