Публикации » Икĕ район ветеранĕсем тĕл пулнă

14 мая 2014 г.

Çĕнтерỹ кунĕ умĕн район администрацийĕн пуçлăхĕн çумĕ Алина Ярабаева, социаллă хỹтлĕх пайĕн начальникĕ Вера Ярабаева, ĕçпе вăрçă ветеранĕсен районти пĕрлешĕвĕн председателĕ Галина Тимакова тата Аслă Отечественнăй вăрçă ветеранĕсем кỹршĕллĕ районти ветерансем йыхравланипе Етĕрне хулинче иртнĕ савăнăçлă мероприятие хутшăннă. Икĕ район ветеранĕсем кăçалхипе вуннăмĕш хут тĕл пулнă. Ăна пуçараканĕ _ Чăваш Республикин Патшалăх Канашĕн депутачĕ Николай Малов. Николай Владимирович ветерансене сывлăх, вăрăм кун-çул суннă. Çавăн пекех вĕсене Алина Ярабаева, Етĕрне районĕн администраци пуçлăхĕн çумĕ Владимир Семенов, Етĕрне тата Хĕрлĕ Чутай районĕсен çар комиссариачĕн пай начальникĕ Александр Прокопьев уяв ячĕпе ăшшăн саламланă.

А.ЗАМУТКИНА.