17 февраля 2015 г.
Пурнăç аслă, шухăш çĕнĕ,
Ырăпа утатпăр тачă.
Алăра ман "Ял ĕçченĕ" -
Тăвайри район хаçачĕ.
Тĕнчере мĕнле халь халăх,
Çĕршывра хăш ĕç сиенлĕ,
Районта паян мĕн лайăх -
Хыпарсем пуян, пур енлĕ.
Тантăш евĕр "Ял ĕçченĕ"
Хыпарлать пĕлсе юлташлă -
Кам малта аван ĕçленĕ,
Хăш хуçалăх мĕнпе паллă.
"Ял ĕçченĕ" - пысăк тĕкĕр,
Хаçатри сăмах - çут çăлтăр.
Вулăр, пĕлĕр, туслăн кĕтĕр-
"Ял ĕçченĕ" сумлă пултăр.
Геннадий МАТВЕЕВ