01 февраля 2014 г.
«АК БАРС АЭРО» авиакомпани 2014 çулхи январĕн 31-мĕшĕнчен тытăнса мартăн 29-мĕшĕччен «Уфа - Шупашкар» тата «Самара - Шупашкар» маршрутсемпе авиарейссем йĕркелет. Пассажирсене илсе çÿреме «Cessna - 208» самолетсемпе усă курĕç.
Шупашкар аэропортĕнче февралĕн 3, 5, 7 тата 10-мĕшĕсем валли билетсене сутаççĕ ĕнтĕ.
Шупашкартан Уфана самолет 9 сехет те 55 минутра çула тухать, 14 сехетре вырăна çитет (тунти кун, юн кун тата шăмат кун). Каялла Пушкăрт Республикин тĕп хулинчен вырăнти вăхăтпа 14 сехет те 40 минутра тухать, Шупашкара 15 сехетре çитет. Билет хакĕ 1775 тенкĕрен тытăнса 4770 тенкĕ таран.
Самарăна самолет тунти кун, юн кун тата эрне кун 15 сехет те 35 минутра çула тухать, 17 сехет те 5 минутра çитет. Каялла та çав кунах вĕçет. Билет хакĕ 2075 тенкĕрен тытăнса 3305 тенкĕ таран.
Кирлĕ информацие çак телефонсемпе илме пулать: 301-487* 621-471* 622-245* 627-217.
ЧР Транспорт тата çул-йĕр
хуçалăх министерстви.