25 марта 2017 г.
«Ылтăн шайба» клуб парнисемшĕн пынă кăçалхи ăмăртусенче Елчĕк районĕн командисем палăрнă.
Вăтам ушкăнри çамрăк хоккеистсем Сочи хулинче иртекен Пĕтĕм Раççейри финала хутшăнаççĕ. Чăваш Республикин чысне хÿтĕлеме вĕсем мартăн 31-мĕшĕнче унта тухса каяççĕ.
Кĕçĕн ушкăнри çамрăк хоккеистсем те призерсен йышне кĕчĕç - республикăра виççĕмĕш вырăн йышăнчĕç.
Çак кунсенче призывниксен йышне кĕме хатĕрленекен каччăсем те республикăри финала çитнĕ, Шупашкарти «Спартак» командăна çеç выляса ярса иккĕмĕш вырăна тухнă. Лаш Таяпари вăтам шкулта физкультурăна вĕрентекен В.Иванов ертсе пынипе Лаш Таяпари, Елчĕкри, Аслă Елчĕкри вăтам шкулсенчи аслă классенче вĕренекенсенчен йĕркеленĕ командăшăн çакă пысăк çитĕнÿ.
А.ФЕДОРОВ.