15 марта 2017 г.
Аслă Елчĕкри вăтам шкулта тата Аслă Пăла Тимешри культура çуртĕнче волейболистсен турнирĕсем иртнĕ.
Аслă Елчĕкри турнира - ял тăрăхĕн администрацийĕн, Ленин ячĕллĕ ЯХПКн, Аслă Елчĕкри шкулăн аслă классенче вĕренекенсемпе кунта ĕçлекенсен хĕрарăмсен 4 команди хутшăннă.
Хĕрÿ иртнĕ тупăшура ял тăрăхĕн администрацийĕн команди çĕнтернĕ. Вăтам шкулта ĕçлекенсем - иккĕмĕш вырăна тухнă. Ленин ячĕллĕ ЯХПК командинче дояркăсем ытларах пулнă.
Турнира хутшăнакансене грамотăсемпе, С.Горшков уйрăм предприниматель призсемпе чысланă.
Аслă Пăла Тимешри турнирта 3 команда тупăшнă. Спиридоновсен команди - пĕрремĕш, Портновсем - иккĕмĕш, шкул ачисем виççĕмĕш вырăнсене тухнă. 63 çулхи Анатолий Козлов Портновсем çирĕплетнĕ «Турнирăн чи лайăх выляканĕ» приза тивĕçнĕ.