01 марта 2017 г.
Кивĕ Эйпеçри шкулта Юрий Петрович Григорьев воин-интернационалиста асăнса XII турнир иртнĕ.
Мини-футбол енĕпе иртнĕ турнирта кубока Кивĕ Эйпеçри шкулăн команди çĕнсе илнĕ. Иккĕмĕшпе виççĕмĕш вырăнсенче - Елчĕкри тата Тĕмерти шкулсен командисем. Спортсменсене медальсем тата грамотăсем панă, çавăн пекех турнира хутшăннă кашни командăна мечĕк парнеленĕ.
Дартс енĕпе шкул ачисенчен Л.Никифоров /Кивĕ Эйпеç/, В.Красновпа Е.Теллин /Елчĕк/, çитĕннисенчен Н.Петров, В.Марков, Л.Григорьев çĕнтерÿçĕсемпе призерсен йышне кĕнĕ. Турнирăн спонсорĕ - Л.Григорьев уйрăм предприниматель.