14 декабря 2016 г.
Иртнĕ шăматкун районти 2002 çулта çуралнă тата çамрăкрах арçын ачасемпе хĕрачасем йывăр атлетсен республикăри «Шанчăк кубокĕ» турнира хутшăннă. Ăна Чăваш Республикин физкультурăпа спортăн тава тивĕçлĕ ĕçченне Юрий Михайлович Николаева асăнса кăçал виççĕмĕш хут ирттернĕ.
Турнирта пирĕн районăн çамрăк штангисчĕсем ăнăçлă ăмăртнă. Кивĕ Эйпеçри шкулăн вĕренекенĕсем Алексей Панкратов, Дмитрий Перцев, Артур Сахров - пĕрремĕш, Александр Абрамов, Николай Смирнов иккĕмĕш вырăнсене йышăннă. Çавăн пекех пьедесталăн пĕрремĕш картлашки çине Таяпа Энтринчи шкулта пĕлÿ пухакан Вадим Воробьев, виççĕмĕш картлашки çине Çĕнĕ Пăва шкулĕнчи Артур Никонов, Елчĕк шкулĕнчи Мария Антоновăпа Даниил Казеев хăпарма тивĕçнĕ. Çĕнтерÿçĕсемпе призерсене Чăваш Республикин Физкультурăпа спорт министерствин дипломĕсемпе тата медальсемпе чысланă.
Командăсенчен Елчĕксем иккĕмĕш вырăна тухнă.
Çамрăк спортсменсем турнира кайса килме пулăшнăшăн «Клевер» ООО директорне Ростислав Турхана тав тăваççĕ.