09 ноября 2016 г.
Халăх пĕрлĕхĕн кунне халалласа районта мини-футбол енĕпе ăмăрту иртнĕ. Унта районти ялсенчи 12 команда хутшăннă.
Командăсем 3 ушкăна пайланса вылянă. Кашни ушкăнри çĕнтерÿçĕ турнирта мала тухассишĕн кĕрешнĕ.
«Елчĕк» команда «ДЮСШ-Елчĕк» - 5:1, Лаш Таяпасем «ДЮСШ-Елчĕк» командăран 2:1 шутпа выляса илнĕ. Финалта Елчĕксем Лаш Таяпасене 4:1 шутпа çĕнтернĕ, пĕрремĕш вырăна тухнă. Иккĕмĕшпе виççĕмĕшсем - Лаш Таяпасемпе «ДЮСШ-Елчĕк» командисем. Вĕсене кубоксемпе, грамотăсемпе чысланă. «Чи лайăх вратарь» ята Артем Егоров /Елчĕк/, «Чи лайăх хÿтĕленсе вылякан» ята Евгений Яковлев /Лаш Таяпа/, «Чи лайăх тапăнса вылякан» ята Сергей Васильев /Елчĕк/ тивĕçнĕ.