23 апреля 2016 г.
Лаш Таяпара воин-интернационалиста, Хĕрлĕ Çăлтăр орденĕн кавалерне Владимир Яковлева асăнса спорт ăмăртăвĕсем йĕркеленĕ.
Владимир Петрович нумай ачаллă çемьере çуралса ÿснĕ. Мĕн ачаранах техникăпа кăсăкланнă. Инженер пулас тĕллевпе Чăваш ялхуçалăх институтне çул тытнă. Унтан Совет Çарне кайнă, кĕске вăхăтрах танкăн механик-водителĕн специальноçне алла илнĕ. Афганистанри пĕр çапăçура питĕ йывăр аманнă. Госпитальте сипленнĕ хыççăн вĕренĕве малалла тăснă - кунта ăна Хĕрлĕ Çăлтăр орденĕпе чысланă. Шел, пурнăçĕ кĕске пулнă В.Яковлевăн.
В.Яковлева асăнса ăмăртусем кире пуканĕ йăтассипе, кĕрешессипе, шашкăлла выляссипе иртнĕ. Çĕнтерÿçĕсемпе призерсене грамотăсемпе, медальсемпе, кубоксемпе, призсемпе чысланă.
Ăмăртусене йĕркелеме В.Яковлевпа пĕр класра вĕреннĕ В.Меметов пысăк пулăшу панă.