16 марта 2016 г.
Чăваш Республикинчи «Урожай» физкультурăпа спорт обществи шăматкун Елчĕкри физкультурăпа сывлăха çирĕплетекен комплексăн спорт залĕнче ялхуçалăх предприятийĕсемпе хресчен /фермер/ хуçалăхĕсен ертÿçисем хушшинче мини-футболла выляса кăнтăр зонăра мала тухмалли йĕркеленĕ турнира Елчĕк, Шăмăршă, Комсомольски, Вăрмар районĕсенчи командăсем хутшăнчĕç.
Пĕрремĕш вăйăра пирĕн район команди Шăмăршăсемпе тĕл пулчĕ. Площадка хуçисем вăйлăрах пулчĕç - 7:3 шутпа çĕнтерчĕç. Елчĕксем Вăрмарсене те, Комсомольскисене те парăнтарса зонăра мала тухрĕç. Пирĕн команда çитес шăматкун зонăсенче çĕнтернĕ 4 команда йышĕнче куçса çÿрекен кубокшăн пыракан вăйăсене хутшăнать.
Елчĕкри ФОКри ăмăртусене пирĕн районти ялхуçалăх предприятийĕсен, хресчен /фермер/ хуçалăхĕсен ертÿçисем, вĕсен çумĕсем, тĕп специалистсем хутшăнчĕç. Çамрăксенчен «Клевер» ООО директорĕ Ростислав Турхан, пенси çулне çывхарса пыракан Юрий Алексеев /«Комбайн» ЯХПК ертÿçин çумĕ/ тата ыттисем ăста вылянине палăртса хăварма пулать.
Н.АЛЕКСЕЕВ.
Сăнÿкерчĕкре: вăйă саманчĕ.