03 февраля 2016 г.
.jpg "Кубок хальхинче те Елчĕксенче")
Шăматкун кÿршĕллĕ Комсомольски районĕнчи Нĕркеç ялĕнче çамрăкранах спортпа туслă пулнă, анчах пурнăçран вăхăтсăр уйрăлса кайнă В.П.Воронова асăнса хоккеистсен уçă турнирĕ иртнĕ.
Асăннă турнира кăçал пиллĕкмĕш хут йĕркелерĕç. Унта Елчĕк районĕн пĕрлештернĕ команди кашни çулах хутшăнать. Кăçал та ăнăçу Елчĕксем енче пулчĕ - вăл ытти командăсене çĕнтерсе куçса çÿрекен кубока пиллĕкмĕш хут çĕнсе илчĕ.
Командăна Аслă Елчĕкри, Лаш Таяпари, Патреккелĕнчи спорта юратакансенчен йĕркеленĕ. Ăна турнира Виталий Ореховпа Виталий Хушкин хатĕрленĕ.
Турнирта Лаш Таяпари Дмитрий Яковлев чи нумай шайба çапса кĕртнĕ. Çавăн пекех Аслă Елчĕкри Илья Чернов вратарь те ăнăçлă вылянă.
Сăнÿкерчĕкре: Елчĕк районĕнчи хоккеистсен туслă команди.