21 ноября 2015 г.
Тутарстанри Бугульма хулинче йывăр атлетика енĕпе Раççейĕн ХХ кубокĕ иртнĕ. Унта 30 çултан иртнĕ атлетсем хутшăннă. Кубокра Раççейĕн 36 регионĕнчен 150 ытла спортсмен ăмăртнă.
Турнира Чăваш Енрен те атлетсем хутшăннă. Унта пирĕн ентешсем - Раççей спорт мастерĕ Илья Ишмуратов, СССР спорт мастерĕ Юрий Балтаев ăнăçлă ăмăртнă, хăйсен ÿсĕмĕпе виçисенче призерсен йышне кĕнĕ.
Илья Ишмуратов 108 килограмлă виçере, 45-49 çулсенчи атлетсем хушшинче иккĕмĕш вырăн йышăннă, икĕ енлĕ ăмăртса 254 килограмм йăтнă. Унăн юлташĕ Юрий Балтаев 94 килограмлă, 50-54 çулсенчи атлетсенчен виççĕмĕш вырăна тухнă, икĕ енлĕ ăмăртура 193 килограмлă снаряда парăнтарнă.