31 октября 2015 г.
Кире пуканĕ йăтакансен йăлана кĕнĕ «Хыпар» хаçатăн Пĕтĕм Раççейри XXXII турнирĕ кăçал Куславкка районĕнчи «Атăл» спорт комплексĕнче иртнĕ.
Турнира республикăри 12 хулапа районтан, Омск, Пенза, Тутарстан, Санкт-Петербург, Ульяновск, Самар, Мари Эл, Кострома, Мордови тăрăхĕсенчен 200 яхăн атлет хутшăннă. Кунта Елчĕк районĕнчи спортсменсем ăнăçлă ăмăртнă. Шупашкар хулин командинчен кăшт çеç каярах юлса, турнирта иккĕмĕш вырăн йышăннă.
Хăйсен виçисенче Сергей Соловьев, Александр Павлов, Мария Зайцева, Вера Николаева - пĕрремĕш, Андрей Кузнецов, Дмитрий Курчин, Дмитрий Енедеров, Ксения Тунгулова, Геннадий Туманов, Олег Федоров, Петр Петрушкин - иккĕмĕш, Олег Новиков, Надежда Абдулкина - виççĕмĕш вырăнсенче.
Эстафетăра Елчĕк районĕн команди çĕнтерÿçĕ ята тивĕçнĕ.
Çĕнтерÿçĕсем дипломсене, медальсемпе хаклă призсене, призерсем дипломсемпе медальсене тивĕçнĕ.