27 декабря 2014 г.
Кĕçĕн Таяпари пĕтĕмĕшле пĕлỹ паракан тĕп шкулта кăçал спорт залне юсаса çĕнетрĕç. Халĕ унта пырса кĕме кăмăллă.
Нихăçан та пушă тăмасть спорт залĕ. Тăхтавсем вăхăтĕнче те унта ачасем йышлă. Вĕсем волейболла, баскетболла выляççĕ, кире пуканĕ йăтаççĕ, гимнастика тăваççĕ. Кунта спорт тата класс тулашĕнчи мероприятисем иртеççĕ.
Чăваш Республикин физкультурăпа спортăн тава тивĕçлĕ ĕçченĕ М.Скворцов ертсе пынипе кунта ватти-вĕтти спортпа туслашнă. Çакна нумаях пулмасть кубоксемпе ытти призсем валли хатĕрленĕ ятарлă стенд та çирĕплетет. Кунта вĕсем 1983 çултанпа 50 (!) ытла пухăннă.