10 сентября 2014 г.
Район администрацийĕн вĕренỹ тата çамрăксен политикин пайĕ пĕтĕмĕшле пĕлỹ паракан шкулсен 2013-2014 вĕренỹ çулĕнчи спартакиадин итогĕсене пĕтĕмлетнĕ.
Вăтам шкулсен ушкăнĕнче иртнĕ вĕренỹ çулĕнче Елчĕксем палăрнă. Вĕсем пĕлтĕр районти нумай ăмăртусенче мала тухнă, призерсен йышне кĕнĕ. Иккĕмĕшпе виççĕмĕш вырăнсенче Курнавăшри тата Çирĕклĕ Шăхальти вăтам шкулсем йышăннă.
Тĕп шкулсен ушкăнĕнче Патреккелсем Кĕçĕн Таяпа шкулĕнче вĕренекенсенчен 5 очко анчах ытларах пуçтарнă. Çакă вĕсене хăйсен ушкăнĕнче çĕнтерме май панă. Виççĕмĕш вырăнта - Чăваш Тăрăм шкулĕнче вĕренекенсем.
Спартакиадăра палăрнă шкул коллективĕсене спорт инвентарĕсем парса хавхалантарнă.