23 июня 2016 г.
Хурăнсур Çармăс каччи, халĕ Шупашкарта пурăнакан, «Хыпар» хаçатра фотокорреспондентра ĕçлекен Василий Кузьмин Пĕтĕм Раççейри ял хуçалăх çыравĕн «Манăн Раççей» конкурсĕнче палăрнă.
Конкурса вăл пĕтĕмпе 51 ĕç тăратнă. Вĕсем ял хуçалăхĕн тĕрлĕ отрасльне, ял илемне, çынсен сăнĕсене кăтартаççĕ. Интернетра çынсене унăн «Сарафанное радио» текен сăнÿкерчĕкĕ ытларах килĕшнĕ – Василий ĕçĕсенчен вăл чи нумай сасă пухнă.
Тĕп специальноçпе пирĕн ентеш – обществăлла апатлану технологĕ. Хăй каланă тăрăх, фотокорреспондента ăна ачаранах сăнÿкерчĕксем тума юратни илсе çитернĕ. Паян республикăри чи сумлă та пĕлтерĕшлĕ мероприятисене пысăк пахалăхпа сăнланине Василийĕн фоторепортажĕсенче аван куратăн.
Ентеше сумлă çĕнтерÿпе саламлатпăр.
Светлана ЧИКМЯКОВА.
Источник: "Çĕнтерÿ çуле"