Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Мускавра

09 апреля 2016 г.

Эпир, Вăрнарти 2-мĕш шкулта вĕренекенсем, акăлчан чĕлхин учителĕ Мира Николаевна Агилова ертсе пынипе Мускава çитрĕмĕр. Çулçÿреве йĕркелекенĕ – республикăри «Спектрум» лингвистика центрĕ. Пĕрлехи ушкăнра Етĕрнери 1-мĕш гимнази тата Шупашкарти 54-мĕш шкул ачисем те пулчĕç.

Экскурси программи кăсăклă та интереслĕ. Пĕрремĕш кунне Останкино площадĕнче, ВДНХри Москвариумра пултăмăр. Иккĕмĕш кунне Пуçтайăм тăвĕнче, Çĕнтерÿ паркĕнче, Георгий Çĕнтерÿçĕ храмĕнче, Тăван çĕршывăн Аслă вăрçин музейĕнче пулни кăмăла çĕклерĕ, чылайлăха астумалли самантсемпе тулчĕ.

Çак кунах эпир зоопарка тата планетарие çитрĕмĕр, чылай çĕннине пĕлтĕмĕр.

Виççĕмĕш кунхи çÿревре Хĕрлĕ площадьпе, Кремльпе, Ленин мавзолейĕпе паллашрăмăр, Христос Çăлавçă храмĕнче апатлантăмăр, Третьяков галерейинчи картинăсене пăхса килентĕмĕр.

Коломенское усадьбăра пулни мĕн чухлĕ туйăм çуратрĕ! Алексей Михайлович керменĕ патĕнчен Панулми сачĕ, Мускав шывĕн çыранĕ, Жужа шывĕ çинчи шыв арманĕ, йывăç зодчествин музейĕ урлă Патша урамĕ таран киленсе çÿрерĕмĕр.

Çакăн пек асра юлмалла, вĕрентÿллĕ çулçÿревшĕн юратнă учителе – Мира Николаевна Агилована – пысăк тав.

Вăрнарти 2-мĕш шкулта вĕренекенсем.  

Источник: "Çĕнтерÿ çуле"

Мой МирВКонтактеОдноклассники
Информационное наполнение сайта:
Отдел информатизации администрации Вурнарского района - тел. (83537)2-53-80
vurnar_info@cap.ru
GISMETEO: Погода по г.Вурнары

Система управления контентом
429220, п. Вурнары, ул.Советская, д.20
Телефон: 8(83537) 2-52-04
Факс: 8(83537) 2-55-95
TopList Сводная статистика портала Яндекс.Метрика