Февралĕн 8-мĕшĕнче чрезвычайлă лару-тăрăва асăрхас тата ликвидацилес, пушар хăрушсăрлăхĕпе тивĕçтерес енĕпе ĕçлекен комиссин анлă ларăвĕ иртнĕ, унта 2016 çула пĕтĕмлетнĕ тата кăçалхи тĕллевсене палăртнă.

Район администраци пуçлăхĕ, гражданла хỹтĕлев ертỹçи Р. Селиванов, республикăри пушара хирĕçле службăн начальникĕ В. Игнатьев, ял тăрăх пуçлă- хĕсем, район администрацин пай ертỹçисем, комисси членĕсем тата ыттисем те хутшăннă.

Районта чрезвычайлă лару-тăрăва тата пушара хирĕç кĕрешесси еплерех пынипе, мĕнлерех ĕçсем тунипе район администрацийĕн ятарлă секторĕн заведующийĕ Г. Каллин тухса калаçнă.

Районти пушар надзорĕн начальникĕ А. Тукмаков 2016 çулта тата паян кунччен миçе хутчен вут-çулăмпа кĕрешме тивни, профилактика ĕçĕсем йĕркелени пирки пĕлтернĕ.

Республикăри лару-тăрупа кĕскен В. Игнатьев паллаштарнă. Канашлура çавăн пекех районти выльăх-чĕрлĕх чирĕсемпе кĕрешекен станци начальникĕ П. Ефимов, Аслă Чемен тата Пикшик ял тăрăх пуçлăхĕсем _ В. Мефодьевпа Г. Медведев _ сăмах илнĕ.

Район администраци пуçлăхĕ Р. Селиванов чрезвычайлă лару-тăрупа тата пушара хирĕç кĕрешессипе кашнин тивĕçлĕ шайра ĕçлемеллине, уйрăм çынсене те инкекре хăйсене мĕнле тытмаллине вĕрентмеллине каланă.

(Хамăр корр.)