Районта кăрлачăн 19-мĕшĕнче, Кăшарни кунĕнче, пĕрремĕш йĕкĕреш çуралнă. Телейлĕ мăшăр - Чăваш Сурăм салинчи Любăпа Сергей Алексеевсем.

Район администрацийĕн ЗАГС пайĕнче Дарйăпа Софья пепкесене савăнăçлă лару-тăрура регистрациленĕ. Çамрăк çемьере асăннă тĕпренчĕксем пĕрремĕшсем мар-ха, вĕсем виççĕмĕшпе тăваттăмĕш ачасем. Тин çеç кун çути курнисене килте Мария аппăшĕпе Григорий пиччĕшĕ чăтăмсăррăн кĕтеççĕ.

ЗАГС пайĕн ĕçченĕсем йĕкĕрешсен амăшне Любовь Геннадьевнăна ăшшăн саламланă, ачасен пĕрремĕш документне - çурални çинчен свидетельство панă.

Кăçал ку таранччен 13 ача çуралнă. Пĕлтĕр йĕкĕрешсем виçĕ çемьере кун çути курнă.