Районти хуçалăхсенче тыр-пула пухса кĕртес ĕç сарăлсах пырать. Августăн 14-мĕшĕ тĕлне илсен, тĕш тырă культурисене 2638 гектар (27,8 процент) çинче çапса тĕшĕленĕ.

Çак ĕçе Ульянов ячĕллĕ хуçалăхра 200 гектар (41 процент), «Рабия» Агрофирма» обществăра- 550 (40 процент), «Новый путь» хуçалăхра 400 гектар (32 процент) çинче пурнăçланă. Уй-хирте 25 комбайн ĕçлет. Тĕш тырăсен вăтам тухăçĕ - 20 центнер.

Кĕр тыррисене акма çĕр 2434 гектар (71,6 процент) хатĕрленĕ. Ку енĕпе ĕçе «Новый путь» (400 гектар), «Правда» (220 гектар), «Авангард» (200 гектар) хуçалăхсем лайăх йĕркеленĕ.