Публикации » Аппăшĕнчен юласшăн мар

Çĕнĕ Пăвари пĕтĕмĕшле пĕлỹ паракан вăтам шкулта тăххăрмĕш класра вĕренекен Валентина Ананьева çине пĕрле вĕренекенсем мăнаçланса пăхаççĕ. Шкулта хĕр ачасенчен штанга йăтассипе ăна çитекенни çук. Спортпа мĕн ачаран туслă Валя. Çуран, йĕлтĕрпе чупма та кăмăллать. _ Икĕ сыпăкри пичче штанга йăтса пăхма чĕнчĕ. Эпĕ хаваспах килĕшрĕм. Халĕ вара ăсталăха куллен ỹстерсе пыратăп,_ тет хĕр ача. Вальăн аппăшĕ, Инна, мĕн пĕчĕкрен йывăр атлетикăна кăмăлланă. Халĕ вăл Мускавра ятарлă спорт шкулĕнче вĕренет. Нумаях пулмасть Раççей спорт мастерĕ пулса тăчĕ. Валя та аппăшĕнчен юласшăн мар. 53 килограмлă виçеллĕ атлетсем хушшинче районти, республикăри ăмăртусенче пĕрре мар çĕнтерỹçĕ пулчĕ вăл. Республика чысне Атăлçи федераци округĕнче те хỹтĕлерĕ, призер пулса таврăнчĕ. Вальăн йăмăкĕсем те штанга йăтакан секцине çỹресшĕн. Н.Молоствов тренер штангистсен çемйин малашлăхĕ пысăккине