12 мая 2012 г.
Майăн 7-мĕшĕнчен пуçласа Раççей Федерацийĕн Президенчĕн должноçне Владимир Владимирович Путин пурнăçлама тытăннă. Енчен те Президента хальччен 4 çуллăха суйланă пулсан, ку хутĕнче - 6 çула.
Инаугураци çирĕплетнĕ йĕркепе пулса пынă - Мускаври Кремлĕн Пысăк керменĕнче Патшалăх ялавне, Президент штандарчĕпе Конституцин ятарлă кăларăмне (ун умĕнче президентсем присяга тытаççĕ) илсе кĕнĕ.
«Суйланă Президент хăйĕн тивĕçне пурнăçлама пуçлани - Раççей пурнăçĕнчи çĕнĕ тапхăр, - тенĕ Д.Медведев. - Çынсен интересĕсене пурнăçа кĕртес тесе социаллă ыйтусене татса парас тĕлĕшпе ума тăратнă тĕллевсене пурнăçланă. Экономикăна модернизацилессине пуçланă. Пурне те пурнăçласси пулман, çавăнпа та çак ĕçе малалла тăсмалла. Чи пысăк çитĕнÿсенчен пĕри - граждансем политикăна анлăн хутшăнни». Ун хыççăн суйланнă РФ Президенчĕ В.Путин халăх умĕнче тăракан тивĕçе пурнăçлама шантарса тупа тунă, Президент должноçне пурнăçлама тытăннăИсточник: "Урмарская районная газета"