17 января 2007 г.
Çĕнĕ çул уявĕ пуриншĕн те чи кĕтнĕ самант. Çавăнпа та ăна кĕтсе ытларах хатĕрленме тăрăшатпăр.
2007 çула кĕтсе илнĕ май район администрацийĕн пуçлăхĕн йышăнăвĕпе районти предприятисемпе организацисем тата учрежденисем хушшинче çуртсене илемлетес енĕпе декабрĕн 18-мĕшĕнчен тытăнса 25-мĕшĕччен смотр-конкурс иртрĕ. Ятарлă комисси вырăна тухса Çĕнĕ çул уявне хатĕрленнине хакланă, унта пĕтĕмпе 36 ĕç пăхса тухнă. Ытти предприятисемпе организацисем тата учрежденисем сысна çулне кĕтсе илме васкаман пулас. Çавăнпа та уяв сăнĕ кĕртме тăхтанă-ши?
Комисси çапла йышăннă. Пĕрремĕш вырăна Муркаш райповĕ тухнă, 2500 тенкĕ укçан премие тивĕçнĕ. Иккĕмĕш вырăнта районти тĕп больница пулнă, 1500 тенкĕ укçан преми парса хавхалантарнă. Виççĕмĕш вырăнта «Моргаушавтотехсервис» тат «Моргаушагропромснаб» предприятисем, 500-шер тенкĕ укçан преми илнĕ. Конкурсра уйрăмах палăрнисене хавхалантарма укçана çут çанталăка сыхлассин фондĕнчен уйăрнă.
Источник: "Çĕнтерÿ ялавĕ"