13 декабря 2006 г.
2006 çулхи декабрĕн 7-мĕшĕнче Шупашкарти агрегат завочĕн Культура çуртĕнче предприятисемпе организацисенче çамрăксемпе ĕçлессине епле йĕркеленине палăртассипе республика конкурсĕ иртнĕ. Пирĕн район командисем унта 3 кубок çĕнсе илме пултарнă. Çĕнтерÿ çулĕ çăмăл пулман. Районти тĕп больницăн, хуçалăхсем хушшинчи «Моргаушская» строительство организацийĕн тата Муркаш райповĕн командисем ăмăртăвăн 3 тапхăрĕнче те палăрма пултарнă, ноябрĕн 10-мĕшĕнче районти ăмăртура, ноябрĕн 16-мĕшĕнче Çĕмĕрле хулинче зонăри ăмăртура тата Шупашкарта финал ăмăртăвĕнче.
Çамрăксен районти тĕп больницăн команди «Вĕрентÿ тата социаллă сфера» номинацире, хуçалăхсем хушшинчи «Моргаушская» строительство организацийĕн команди «Промышленность» номинацире, Муркаш райповĕн команди «Суту-илÿ, йăла ыйтăвĕсене тивĕçтерессии тата уйрăм çын предпринимательстви» номинацире çĕнтерÿçĕсем пулса тăнă.
Малашне вара çамрăксене çĕнĕ ĕçсем, çĕнĕ конкурсем, паллă ĕнтĕ, çĕнĕ çитĕнÿсем кĕтеççĕ!
Источник: "Çĕнтерÿ ялавĕ"