19 января 2013 г.
Ольга Юрьевна Прокопьева Муркашри «Путене» ача-пăча садĕнче 2008 çултанпа вăй хурать. «Питĕ пуçаруллă та пултаруллă воспитатель. Ачасемпе те, ашшĕ-амăшĕсемпе те лайăх хутшăнса ĕçлет. Вăл пирĕн ача садĕнче ĕçленĕшĕн эпир питĕ савăнатпăр. Республика Пуçлăхĕн стипендине вăл чăннипех те тивĕçлĕ», - Ольга Юрьевнăн ĕçĕпе кăмăллă пулнине хаваспах пĕлтерчĕ садик заведующийĕ И. Ферапонтова.
Çамрăк воспитатель кăçалхи çул «Аистенок» вăтам ушкăнри ачасемпе тимлет. Ачасене тĕрлĕ енлĕн аталантарма чылай ĕç пурнăçлать вăл. Çапах та çул-йĕр çинчи хăрушсăрлăх темине пысăк тимлĕх уйăрать. «Ачасем хăйсене хăйсем асăрхаса тăма та вĕренччĕр. Пурнăçра яланах кирлĕ пулать», - çапла шутлать хастар воспитатель
Источник: "Çĕнтерÿ ялавĕ"