Публикации » Вут-çулăмра çын вилнĕ

2009 çулхи пĕтĕмлетÿсем тăрăх, район территорийĕнче 44 хутчен вут-çулăм ялкăшнине регистрациленĕ. Пушарта ултă çыннăн пурнăçĕ вăхăтсăр татăлнă. «Хĕрлĕ автан» пурĕ 1 миллион та 744 пин тенкĕлĕх пурлăха тĕп тунă.

2010 çулхи январь уйăхĕн кăтартăвĕсем те савăнтарсах каймаççĕ. Çак кĕске хушăрах районта пилĕк хутчен пушар алхаснă. Вилекенсем те пулнă. Кăçал Туктамăшри ватă кинемей вут-çулăмпа асăрханусăр пулнăран çут тĕнчерен уйрăлнă. Акă, январĕн 29-мĕшĕнче Питĕркассинчи Н.Н.Михуткин хуçалăхĕнче инкек пулнă – пÿрт çунма пуçланă. Инкекре арçын пурнăçĕ те татăлнă. Сăлтавĕ, каллех, кил хуçи вут-кăварпа тимлĕ пулманнинче.

«Хĕрлĕ автанран» асăрханăр.