12 ноября 2014 г.
Чăваш Ен Пуçлăхĕ Чăваш Республикин Патшалăх Канашне çулсерен Çыру янине пĕлетпĕр. Кăçалхи валли халĕ хатĕрленме тытăннă. Унта Правительство, Патшалăх Канашĕн, вырăнти хăй тытăмлăх органĕсен, предприяти-организацисен ĕçĕн çул-йĕрне палăртаççĕ.
Çырăва хатĕрленĕ чухне республикăра пурăнакансен шухăш-кăмăлне, общество организацийĕсен, граждан обществисен ытти институчĕн шухăш-кăмăлне тĕпе хурĕç. Пурнăç пахалăхне лайăхлатас тесе мĕн тумалла? Чăваш Ен Элтеперĕн хăш темăна тимлĕх уйăрмалла? Сĕнỹсене Шупашкар хулинчи Президент бульварĕнчи 10-мĕш çуртра йышăнаççĕ. Электрон адрес: pres0@cap.ru. Çырура "Çыру хатĕрлеме" тесе паллă тумалла.
Источник: "Каçал Ен"