02 октября 2015 г.
Çемьери йăла-йĕркене, ăрусем хушшинчи çыхăнусене çирĕплетес, обществăра çемье пĕлтерĕшне ÿстерес тĕллевпе çулсеренех районта «Çулталăкри чи лайăх çемье» конкурс иртет.
Кăçал ял тăрăхĕсенчи чи лайăх çемьесем сентябрĕн 29-мĕшĕнче Элĕкри культурăпа кану центрĕн сцени çинче хăйсен ăсталăхĕпе, ĕçĕ-хĕлĕпе паллаштарчĕç. Мăн Вылă ял тăрăхĕнчи Козловсем, Ехремкассинчи Яковлевсем, Йăлкăшри Павловсем, Ураскилтри Степановсем, Юнтапа ял тăрăхĕнчи Александровсемпе Кондратьевсем тĕрлĕ конкурс витĕр тухрĕç. Çемье пĕлтерĕшне ăнлантарчĕç, ăнăçупа килĕшÿ камран килнине палăртрĕç. Жюри членĕсем кашнинех тивĕçлипе хак пачĕç. Йăлкăш ял тăрăхĕнчи Тимĕрçкассинчи Алексейпа Любовь Павловсем тата вĕсен виçĕ ачи курма килнисене те, жюрие те хăйсен пултарулăхĕпе тыткăнларĕç. 5 ачаллă çемье Элĕк районĕн чысне республикăра иртекен «Çулталăкри чи лайăх çемье» конкурсра хÿтĕлĕ.
Источник: "Пурнăç çулĕпе" Аликовская районная газета