27 марта 2015 г.
Мартăн 20-мĕшĕнче Кÿкеçри культура çуртĕнче Тăван çĕршывăн Аслă вăрçăнче çĕнтернĕренпе 70 çул çитнине халаланă «Çĕнтерÿ салючĕ» республикăри пултарулăх фестивалĕн иккĕмĕш тапхăрĕ иртрĕ.
Пирĕн районăн профсоюз организацийĕн чысне Тавăт вăтам шкулĕн вокал ансамблĕ тата Элĕкри «Çăлкуç» ача садĕнче тăрăшакан Людмила Андреева хÿтĕлерĕ. Ольга Железнова, Светлана Ильина, Эльвира Казыкина, Ольга Михайлова, Алина Скворцова тата Раиса Лаврентьева Ирина Савицкая репертуарĕнчи «Женщины в погонах» юрра шăрантарчĕç. Людмила Андреева «Синий платочек» юрăпа куракансен кăмăлне çĕклерĕç.