10 сентября 2014 г.
Элĕк районĕнчи вĕренÿ учрежденийĕсен планпа килĕшÿллĕн Раççей Федерацийĕнче 2020 çулччен наркотиксене хирĕç кĕрешме патшалăх стратегине пурнăçа кĕртессипе «Пирĕн ачасен сывлăхĕпе хăрушсăрлăхĕ» Пĕтĕм Раççейри акци иртнĕ. Наркомани профилактикипе сывă пурнăç йĕркине тытса пырасси акцин тĕп тĕллевĕсем пулнă. Вăл декабрĕн 30-мĕшĕччен иртет. Вĕренÿ, социаллă аталану, çамрăксен политикипе спорт пайĕ ятарлă план йĕркеленĕ. Наркомание хирĕç кĕрешессипе вĕренÿ учрежденийĕсенче профилактика калаçăвĕсем, информаци сехечĕсем, ашшĕ-амăшĕсемпе, сывлăх тата йĕркелĕх хуралĕн ĕçченĕсемпе калаçусем ирттерме палăртнă. Çавăн пекех кĕнеке куравĕсем, информаци стенчĕсем, Интернет-уроксем, спорт мероприятийĕсем йĕркелĕç. Мĕн пур мероприяти наркомание хирĕç кĕрешмелли мел шутланать, ачасемпе çамрăксене тĕрĕс çул суйлама пулăшать.
Первоисточник: АУ "Редакция Аликовской районной газеты "По жизненному пути"