15:35 09 октября 2021 г.
Çут çанталăк пире хăйěн таса сывлăшěпе, илемěпе, кĕреке тулли çимěçĕпе сăйласа ÿстерет. Кашни çын хăйĕн çут çанталăк умĕнчи тивěçне туйса, çěре хисеплесе пурăнма тăрăшать. Çак туйăмлăха ачасем пěчĕкренех ăша хывса ÿсмелле. Ахальтен каламан ваттисем: «Лаша пуласси тихаран паллă, çын пуласси ачаран паллă».
Г.Н.Волков ячĕллĕ Аслă Елчĕкри пěтĕмěшле пĕлÿ паракан вăтам шкулта вěрентекенсемпе вĕренекенсем çак каларăшсене тĕпе хураççĕ. Юпа уйăхěн 9-мĕшěнче 5-мĕш класра вěренекен шăпăрлансем класс ертÿçи ертсе пынипе ял халăхĕн «Улăх пахчи» кану вырăнне тирпей-илем кĕртрěç. Пуçтарăннă çÿп- çапа тасатса кирлě çĕре ăсатрěç. Ěç хыççăн ачасем канма та вăхăт тупрĕç.
Ачасем çут çанталăка пулăшма пултарайнишĕн чун -чĕререн хĕпĕртерĕç. Пĕрле кар тăрса, алла-аллăн тытăнса ĕçлесен çеç çакăн пек пысăк ĕç тума пулать.
МБОУ "Большеяльчикская СОШ им.Г.Н.Волкова" Яльчикского района
Большеяльчикский территориальный отдел Яльчикского муниципального округа