22:30 20 февраля 2021 г.
Нарӑс уйӑхӗн 21-мӗшӗ - Тӗнчери халӑхсен Тӑван чӗлхе кунӗ! Тӑван чӗлхе вӑл – хаксӑр тупра, наци культурин никӗсӗ, ӑс-хакӑл эткерне сыхласа упрама тата ӑна аталантарма пулӑшакан хатӗр. Ҫӗр ҫинчи пин-пин чӗлхе йышӗнче кирек камшӑн та тӑван чӗлхи - чи хакли. Чĕлхе — культурăна тата халăх хăйне евĕрлĕхне упраса пыракан тĕп инструмент шутланать. Анчах Юнеско шучĕпе тĕнчери 6 пин чĕлхерен çурри çывăх вăхăтра çухалма пултарать. Вĕсене упраса хăварас тĕллевпе тăван чĕлхе кунне йĕркеленĕ те.
Нарăс уйăхĕн 19-мĕшĕнче Мăнçырмари пĕтĕмĕшле пĕлӳ паракан вăтам шкулта 6-мĕш класс ачисемпе «Тĕнчери халăхсен тăван чĕлхе кунĕ» тематика сехечĕ иртрĕ. Мероприятие Мăнçырмари ял библиотекин ĕртӳçи Ильина Н.О. тата чăваш чĕлхипе литература вĕрентекенĕ Цыркунова Т.Л. ирттерчĕç. Ачасемпе «Выляр-ха, тăван чĕлхене савса», «Ваттисен сăмахĕсене вĕçле», «Алфавита пĕлетĕр-и?», «Кам маларах?» конкурс ирттетĕмĕр. Вĕсен тавра-курăмне тĕрĕслерĕмĕр.
Юлашкинчен пĕтĕмлетсе хăварнă май ачасенчен çакăн пек хуравсем илтрĕмĕр: «Тăван чĕлхене хисеплеменни хамăра хисеплеменнипе пĕрех. Чĕлхе пĕтсен, халăх пĕтет. Апла пулсан паян пирĕн пурин те хамăра хамăр сыхласа хăварас пирки шухăшламалла».
Мусирминский территориальный отдел Урмарского муниципального округа