10:23 15 января 2021 г.
Пĕлтĕр Чăваш Ен пуçлăхĕн Олег Николаевăн пуçарăвĕпе килти хушма хуçалăхра ĕне тытакансене субсиди парса пулăшрĕç. Республикăра пурăнакансем 50 пин ĕнешĕн 156 миллион тенке укçа илнĕ. Вăл шутра Юхмапа Пăла тăрăхĕн çыннисем те çак çăмăллăхпа усă курнă.
Çакна та аса илтересшĕн. Патшалăх паракан пулăшу укçи отчетпа çыхăннине те манмалла мар. Халĕ субсиди илнисен 2021 мĕш çулхи январен 1 мĕшĕ тĕлне килти хушма хуçалăхра ĕне шучĕ мĕн чухлĕ пулнине ĕнентерекен документа январĕн 25 мĕшĕччен ял тăрăхне çитермелле. Хушма хуçалăхра унăн шучĕ малтанхи пекех тухмалла, чакмалла мар. Унсăрăн субсидиие каялла тавăрса пама тивет. Енчен те ĕнене ветеринари кăтартăвĕпе аш-какая пама лекнĕ пулсан, кил хуçин ветеринари справкине тăратмалла пулĕ. Ун пек чухне граждансене укçана каялла тавăрса парассинчен хăтараççĕ. Ватăсем укçа шута юратать, теççĕ. Çавăнпа та çак кунсенчех субсидишĕн отчет тумаллине манса ан кайăр!
Первомайское сельское поселение Батыревского района