11:14 03 декабря 2020 г.
Патăрьел районĕнчи Тури Чакă ялĕнче пурăнакансем хĕл кунĕсем çитнĕ май, юр çăвиччен, хамăр таврана тасатаса-тирпейлесе хăварасшăн. Владимир Кадушкин депутат йĕркеленипе 7-мĕш округра пурăнакансем каллех субботника тухрĕç.
Типнĕ кÿлле чавиччен йывăçсене касса илем кÿчĕç. Касра пурăнакан мĕнпур çамрăк, вăйпитти арçын çак ĕçе активлă хутшăнчĕ. Олег Лебедева, Николай Волкова, Алексей Сюзюкина депутат яланах ырăпа асăнать. Кирек епле ĕç туса ирттерес пулсан та вĕсем ÿркенсе тăмаççĕ, яланах килĕштерсе ĕçе вăхăтра пурнăçлама тăрăшаççĕ.
Кассипе пуçтарăнса хăватлă техника тара тытса кÿлле чавса тарăнлатрĕç. Ял варринчи кÿлле çĕнетме шутлани пушар хăрушсăрлăхĕпе те çыхăннă.
Ял тăрăхĕнчи ытти кассенче пурăнакансен те асăннă депутат округĕнчи хастарсенчен тĕслĕх илмелле.
Большечеменевское сельское поселение Батыревского района