14:27 19 октября 2020 г.
Ывăл çуралсан чăваш халăхĕ: «Салтака юрăхлă пултăр!» - тесе пехилленĕ. Ывăл ача алла повестка илсен савăнăç туйăмĕпе пĕрлех куççуль те пăчăртанса тухать.
Ялсенче салтака ăсатас йăла-йĕрке пĕтмен-ха. Алшăлли çакса, салтак юрри юрласа тăвансем патне çÿрет салтак ачи.
Миçе йĕкĕте шурă алшăлли çактарса, пехил сăмахĕсем каласа ăсатнă-ши сцена çинчен ялти культура ĕçченĕсем? Салтак ячĕ тухнă йĕкĕт ытти çамрăсемшĕн ырă тĕслĕх тата мăнаçлану.
Акă, кĕрхи призыв пуçланнă май, октябрĕн 18 – мĕшĕнче Патăрьел районĕнчи Анат Тăрмăш ялĕнче çуралса ÿснĕ Шагаров Павелăн та салтак ячĕ тухрĕ. Культура çурчĕн заведующийĕ Надежда Квасова йĕкĕте çирĕп сывлăх, ăнăçу, шанчăклă юлташсем сунчĕ.
Йăла-йĕрке упрансан, ламран-лама куçсан халăх пĕтмест, малалла аталанать.
Шаймурзинское сельское поселение Батыревского района