15:49 14 сентября 2020 г.
Авăн уйăхĕн 11-мĕшĕнче «Енĕшсем» фольклор ушкăнĕ Малти Питтикасси ялĕнче пулчĕ Суйлава килнĕ çынсене илемлĕ юрă-ташăпа савăнтарчĕç кÿршĕсем, чăваш кĕвви-çеммипе чуна тыткăнларĕç. Ял-йыш артистсене ăшшăн йышăнчĕ, алă çупса хавхалантарчĕ.
Ырми-канми тăрăшакан маттур ĕçченсене саламласа юрă хыççăн юрă шăранчĕ. Тус-тăванлăха мухтаса, тăван кĕтесе савса янăрарĕ хаваслă кĕвĕ-çемĕ. Куракансен ăшă кулли, чĕререн тухакан тав сăмахĕсем кăмăла çĕклерĕç.
Хаклă ентешсем, кĕрхи тулăх кунсемпе саламлатпăр сире.
Сăн-питре хĕвел шевли вылятăр,
Чунсенче телей юрри янратăр.
Ырлăх-сывлăх пултăр иксĕлми,
Кун-çулăрсем савăк, ытарми.
Ямашевское сельское поселение Канашского района
Муниципальное бюджетное учреждение культуры «Централизованная клубная система» Канашского района Чувашской Республики