21:13 14 января 2020 г.
Чăн-чăн юмах тĕнчири пек янăрарĕ ку хутĕнче те хаваслă юрă-кĕвĕ , хăй ытамне туслă ял-йыша пухса. Кǎвакал юхан шывĕ çумĕнче тĕкĕрленнĕ çутă кÿлĕре ачасем тетесемпе илемлетнĕ капăр симĕс чăрăш вăйă картине пухрĕ Мăкарсене. Кăмăл туличчен юрларĕç те ташларĕç.
Кивĕ çула ăсатма çĕнĕ çула кĕтсе илме тĕрлĕ илемлĕ уяв тумĕсемпе çитрĕ туслă ял-йыш. Кĕтнĕ уяв хăнисем паллах - Хĕл мучипе Юр пике. Уяв кунĕ асамлă вăйăсемпе тĕрлĕ шÿтлĕ конкурссемпе иртрĕ. Хĕл мучипе Юр пике хастар хутшăннисене парнесемпе хавхалантарчĕ, малашне те хастар та пултаруллă тата савăк кăмăлла пулма пиллерĕç. Туслăхпа та сывлăхпа тата сенкер тÿпепе кĕтсе илчĕç Мăкăрсем Кивĕ çĕнĕ çула. Акă ĕнтĕ çĕнĕ çул асамлă хапхине яриех уçрĕ, керменĕ йăлтăр-йăлтăр çутăпа йăлтартатрĕ. Унта Мăкăрсен савăк туслăхĕ, туслăх çăлтăрĕ йăлтăртатать. Çĕнĕ çул çĕнĕ телей , ырлăх тата тăнăçлăх , ăнăçу илсе килтĕр . Апла пулсан çут куна ĕмĕрлер пĕрле, ĕçĕ- хĕлĕ те «вĕресе» тăтăр .
Çĕнĕ çул ячĕпе пурне те!!!
фоторепортаж
Чагасьское сельское поселение
Муниципальное бюджетное учреждение культуры «Централизованная клубная система» Канашского района Чувашской Республики