10:42 07 октября 2019 г.
Чăваш наци конгресĕн культура комитечě пуҫарса янӑ «Аваллăха упраса, малашлăха ĕненсе» уҫӑ вулавсем (авторӗ Вера Архипова) кӑҫал анлăн Чăваш Ен районĕсенче малалла тӑсӑлать.
Проектӑн тӗллевӗ - Чăваш Енре пурӑнакан тата ун тулашĕнче тĕпленнĕ ентешсем патне çитсе вырӑнти йăла-йĕркене тĕпчесси, чӑваш халӑх йӑли-йӗркине упраса хӑварасси тата ҫак ӗҫе ҫитӗнекен ӑрӑва явӑҫтарасси.
Çак проектпа килĕшÿллĕн культура комитечĕ тӑван республикӑри тĕрлĕ районсене тата Раҫҫей Федерацийӗн регионӗсенчи йăхташсем пурăнакан вырăнсене çитсе килме палӑртнă.
Ку енĕпе ЧНК Каçал тăрăхĕнчи уйрăмĕ пултаруллă ĕçлет. Унăн ертÿçи, "Каçал" халăх фольклор ансамблĕн ертÿçи Владимир Павлович Павлов, анлă мероприятине Асанкассинче ирттерме йыхравларĕ.
Кунта ЧНК культура комитечĕн пайташĕсем - ал-ĕç ăстисем, хореографсем, юрăçсем çитрĕç, куравсем йĕркелерĕҫ.
Анатри чăвашсен йăли-йĕркипе «Улах ларнине» Эльпуç тăрăхенчи фольклор ушкăнĕ паллаштарчĕ. Хăйсене чăн-чăн артистсем пекех тытрĕç, юрларĕç, ташларĕç, халăха савăнтарчĕç. «Халăх «сăмахлăхĕ», «Ĕçпе йăла юррисем» кĕнекесемпе усă курса Эльпуç ял вулавăшĕнче нумай тĕпчев ĕçĕсем ирттерчĕç.
Альбусь-Сюрбеевский территориальный отдел