16:25 17 июля 2019 г.
Июлĕн 12-мĕшĕнче Православи чиркĕвĕ Петрпа Павел апостолсен кунне паллă тăвать. Çакна тĕпе хурса ĕнтĕ Чăваш Сурăмĕнче çулсеренех Питрав кунне (халăхра ăна Сурăм пуххи теççĕ - авт.) ирттереççĕ. Ыт ахальтен мар, паллах, уява Сурăмсем çак кун паллă тăваççĕ. Çакă вăл 1795 çулта Чăваш Сурăмĕнче Петр апостол ячĕпе чиркÿ лартнипе те çыхăннă. Кăçал çак уяв эрне куна лекнĕрен халăх уйрăмах йышлăччĕ.
«Тимĕр лашасене» çырмара лартса хăварса, хут купăспа параппанпа юрла-юрла ĕлĕкхи йăла-йĕркипе Чăваш Сурăм ялне кĕрсе кĕртĕмĕр. Йÿçкасси культура çурчĕ çумĕнчи «Саваяр» эстрадăпа ташă ушкăнĕпе çитесе юрă –кĕвĕ шăрантартăмăр.
Сурăмсем пире чăваш эстрада юрăçисемпе (Александр Сорокин, Алексей Шадриков, Светлана Яковлева, Альбина Пăрчăкан) пĕр шайпа тан тăвăллăн алă çупса хакларĕç, пĕрле тухса ташласа савăнчĕç.
Йÿçкасси культура çурчĕ ĕçченĕсем
Территориальный отдел «Юськасинский» Управления по благоустройству и развитию территорий администрации Моргаушского муниципального округа Чувашской Республики Чувашской Республики